साताको अन्तिम कारोबार दिन नेप्से परिसूचक २००० विन्दुभन्दा तल बन्द भएको छ। यस दिन नेप्से परिसूचक ३४.७१ अंक घटेर १९९२.६१ विन्दुमा झरेको हो। यस दिन सेन्सेटिभ इण्डेक्स ५.६१ अंक घटेको छ भने फ्लोट इण्डेक्स २.५० अंक र सेन्सेटिभ फ्लोट इण्डेक्स २.२८ अंक घटेको छ।
२१७ कम्पनीको ३० लाख ६३ हजार ४७६ कित्ता सेयर १ अर्ब १६ करोड ८४ लाख ५१ हजार ३९५ रुपैयाँको सेयर किनबेच भएको छ । कारोबारमा सबै समूहको उपसूचक राताम्मे भएको छ ।
यो दिन वित्त, होटल तथा पर्यटन र व्यापार उपसमूहको परिसूचक ३ प्रतिशतभन्दा बढी घटेको छ भने विकास बैंक, जलविद्युत, लगानी र उत्पादन तथा प्रशोधन उपसमूहको परिसूचक २ प्रतिशतभन्दा बढी घटेको छ। त्यस्तै, बैंकिङ्ग, जीवन बीमा, लघुवित्त, म्युचुअल फण्ड, निर्जीवन बीमा, जीवन बीमा र अन्य उपसमूहको परिसूचक १ प्रतिशतभन्दा बढी घटेको छ।
कारोबार रकमका आधारमा यस दिन शिवम् सिमेन्ट्स शीर्ष स्थानमा रहेको छ। यस दिन सो स्टकको साढे ५ करोडभन्दा बढीको शेयर कारोबार भएको छ। त्यसैगरी, यस दिन युनाइटेड इदी मार्दी आरबी हाइड्रोपावर र लाइफ इन्स्योरेन्स कर्पोरेशनको करिब ४ करोडको शेयर खरिदबिक्री भएको छ।
