नेपाली बजारमा आज सुनको मूल्य हालसम्मकै उच्च कायम भएको छ । गत शुक्रबार प्रतितोला १ सय रुपैयाँले बढेको सुनको मूल्य आज पनि बढेको हो।

नेपाल सुनचाँदी व्यवसायी महासंघका अनुसार आज छापावाला सुनको मूल्य १ हजार रुपैयाँले बढ्दै प्रतितोला १ लाख ४५ हजार ४ सय रुपैयाँ कायम भएको छ ।  यो मूल्य हालसम्मकै उच्च हो ।

यसअघि गत जेठ २५ गते सुनको मूल्य हालसम्मकै उच्च बनेको थियो । त्यसदिन सुनको मूल्य प्रतितोला १ लाख ४५ हजार पुगेको थियो ।

गत शुक्रबार छापावाला सुनको मूल्य प्रतितोला १ लाख ४४ हजार ४ सय रुपैयाँमा कारोबार भएको थियो ।