शेयर बजारमा बुधबार झिनो वृद्धि भएको छ। नेप्से परिसूचक ०.१५ अंकले बढेर १९६९.१७ को विन्दुमा बन्द भएको छ। झिनो वृद्धि भएको बजारमा सेन्सेटिभ इन्डेक्स पनि ०.६० अंकले बढेर ३४८.५५ को विन्दुमा बन्द भएको छ।
आज नेप्से उपसमूहमा रहेका १३ वटा समूहमध्ये ३ वटा समूहमात्रै बढेको छ भने अन्य १० वटा समूह घटेका छन्। बैंकिङ, वित्त र उत्पादन तथा प्रशोधन समूह बढेको हो।
बजार बढ्दा ११५ कम्पनीको शेयरभाउ बढेको छ भने ११७ वटाको घटेको छ। १५ वटा कम्पनीको शेयरभाउ स्थिर रहेको छ।
आज बजारमा साढे २ अर्ब रुपैयाँ बढीको कारोबार हुँदा नेपाल पुनर्बीमा कम्पनीको संस्थापक शेयरको सर्वाधिक किनबेच भएको छ।
यो दिन पोखरा फाइनान्स र गुराँस लघुवित्तका शेयरधनीहरु मालामाल भएका छन्। यी दुवै कम्पनीको शेयरभाउमा माथिल्लो सर्किट लागेको छ। आज माई खोला हाइड्रोपावरका शेयरधनीहरुले धेरै गुमाए। यो कम्पनीको शेयरभाउ करिब ८ प्रतिशतले ओरालो लागेको छ।
सूचना विभाग दर्ता नं: ३१०३-२०७८/०७९
© 2025 Copyright Ad Pro Media Pvt. Ltd | All rights reserved
Developed by: Namuna Computer
