सिद्धार्थ प्रिमियर इन्स्योरेन्सको ११ प्रतिशत नगद लाभांश शेयरधनीहरुको खातामा जम्मा गरिएको छ। कम्पनीले आज एक सूचना प्रकाशित गर्दै आर्थिक वर्ष २०७९/८० को मुनाफाबाट चुक्तापुँजीको ११ प्रतिशत नगद लाभांश चैत ७ गतेबाट नै शेयरधनीहरुको बैंक खातामा जम्मा गर्न थालिएको जानकारी गराएको हो।

गत फागुन ३० गते सम्पन्न कम्पनीको ३० औँ वार्षिक साधारणसभाले प्रस्तावित नगद लाभांश अनुमोदन गरेको थियो। त्यसपछि स्वीकृत लाभांश बुक क्लोज हुनुभन्दा अघिसम्म कायम शेयरधनीहरुको बैंक खातामा पठाइएको कम्पनीले जनाएको छ।