इन्फिनिटी लघुवित्त वित्तीय संस्था लिमिटेडले ७५ हजार कित्ता बढी संस्थापक समूहको सेयर बिक्री गर्ने भएको छ । संस्थाले एक सूचना जारी गर्दै विभिन्न संस्थापक सेयरधनीहरुको स्वामित्वमा रहेको ७५ हजार ५० कित्ता संस्थापक सेयर बिक्री गर्न लागेको हो । संस्थाको यो सेयर खरिदका लागि विद्यमान संस्थापक सेयरधनीले मात्रै खरिद आवेदन दिन सक्नेछन् ।
सेयर खरिद गर्न इच्छुक संस्थापक सेयरधनीहरुले गैँडाकोट नवलपरासीमा रहेको संस्थाको केन्द्रीय कार्यालयमा आईपुग्ने गर्री आवेदन दिनुपर्नेछ। संस्थापक सेयरधनीले आफुले लिन चाहेको सेयर संख्या र दर खुलाई आवेदन दिनुपर्नेछ । सेयर खरिदका लागि सूचना प्रकाशित भएको ३५ दिनभित्र आवेदन दिनुपर्नेछ।
उक्त समयभित्र संस्थापक सेयरधनीहरुबाट खरिद आवेदन नपरेमा अन्य व्यक्ति तथा संघ संस्थालाई सेयर बिक्री गर्ने प्रक्रिया अगाडि बढाइने संस्थाले जनाएको छ ।
सूचना विभाग दर्ता नं: ३१०३-२०७८/०७९
© 2025 Copyright Ad Pro Media Pvt. Ltd | All rights reserved
Developed by: Namuna Computer
