एनएमबि क्यापिटल लिमिटेडले एनएमबि म्युचुअल फन्डअन्तर्गतको अर्को म्युचुअल फन्ड ’एनएमबि सुलभ इन्भेष्टमेन्ट फन्ड २’ आज साउन २६ गतेदेखि निष्कासन गरेको छ।
प्रतिइकाइ १० रुपैयाँ दरको १२ करोड इकाइ निष्कासन गर्न गरिएको हो। निष्कासन गरिका कुल इकाइमध्ये १४ प्रतिशत अर्थात १ करोड ६८ लाख इकाइ कोष प्रवर्द्ध्धक कम्पनी एनएमबि बैंक र १ प्रतिशत इकाइ अर्थात १२ लाख योजना व्यवस्थापक एनएमबि क्यापिटलका लागि छुट्याइएको छ। लगानीकर्ताले बाँकी रहेको १० करोड २० लाख इकाइका लागि आवेदन दिन सक्नेछन्।
सो योजनाको इकाईका लागि साउन ३१ गतेसम्म आवेदन दिनु पर्नेछ। सो अवधिसम्ममा पूर्ण आवेदन नपरेमा आवेदन दिने म्याद भदौ ९ गतेसम्म लम्बिनेछ।
यस योजनाको धितोपत्र निष्काशन तथा बिक्री प्रबन्धक एनएमबि क्यापिटल लिमिटेड रहेको छ। लगानीकर्ताले नेपाल धितोपत्र बोर्डबाट स्वीकृति प्राप्त गरेका सम्पूर्ण आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सकिनेछ।
एनएमबि सुभल इन्भेष्टमेन्ट फण्ड २ एक बन्दमुखि योजना हो। यस योजनाको अवधि इकाई बाँडफाँट भएको मितिले १० वर्षको हुनेछ। क्यापिटलले यस अघि नै एनएमबि सुलभ इन्भेष्टमेन्ट फण्ड १ निष्काशन गरिसकेको छ।
