पछिल्लो २४ घण्टामा १२१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर पीसीआर र एन्टिजेन गरी ३ हजार ४५ जनाको नमुना परीक्षण गर्दा १२१ जनामा संक्रमण पुष्टि भएको हो ।
संक्रमित मध्ये काठमाडौं उपत्यकाका मात्रै ८८ जना रहेका छन् । जसमा काठमाडौंका ७२, ललितपुरका १३ र भक्तपुरका ३ जना छन् ।मन्त्रालयका अनुसार पछिल्लो २४ घण्टामा ३१ जना कोरोनामुक्त भएका छन् । सो अवधिमा कोरोना संक्रमित कसैको पनि मृत्यु भएको छैन ।
अहिले देशभर सक्रिय संक्रमितको संख्या ६७८ रहेको मन्त्रालयले जनाएको छ । आइबार थपिएसँगै नेपालमा कोरोना संक्रमितको कुल संख्या ११ लाख २० हजार ९५६ पुगेको छ ।
सम्बन्धित खवर
